Ayokong gumigising
Tuwing alas singko ng hapon
Kasi hindi ko alam
Kung papasikat pa lang ang araw
O kayaý papalubog na
At para bang pagtingin ko sa bintana
Hindi ko alam kung humahanda ang mga tao
Sa panibagong araw
O kaya namaý handa ng magpahinga
sa dilim ng gabi
Ang naririnig ko bang mga ingay
Ay nagmula sa mga taong papunta sa palengke
O mga taong nagmula sa trabaho nila?
Ayokong gumigising
Tuwing alas singko ng hapon
Kasi walang araw na sisikatan ang mukha ko
Walang amoy ng bagong lutong pandesal
O katitimplang kape
Walang nanay na sisigawan ka
Wala ka palang klaseng papasukan
Ramdam mong ikaw ay nag-iisa
At para bang..
Patuloy na iikot ang mundo
Sisikat at lulubog ang araw
Kikilos at mamumuhay ang mga tao
Gumising ka man o hindi
Sa alas singko ng hapon.
Advertisements
